Էսրա Օզաթայ
| Էսրա Օզաթայ թուրքերեն՝ Esra Özatay | |
|---|---|
| Ծնվել է | օգոստոսի 8, 1976 (48 տարեկան) |
| Ծննդավայր | Համբուրգ, Գերմանիայի Ֆեդերատիվ Հանրապետություն |
| Քաղաքացիություն |  Թուրքիա |
| Կրթություն | Թուրքիայի ռազմաօդային ուժերի ակադեմիա |
| Մասնագիտություն | զինվոր |
 Esra Özatay Վիքիպահեստում | |
Էսրա Օզաթայ (թուրքերեն՝ Esra Özatay), թուրք զինվորական և ռազմական օդաչու։
2014 թվականին նրան շնորհվել է «Թուրքական աստղ» շքանշան՝ զբաղեցնելով թուրքական ռազմական ավիացիայի 134-րդ էսկադրիլիայի հրամանատարի պաշտոնը։ 2016 թվականին նշանակվել է թուրքական ռազմաօդայի ուժերի ավիացիոն զորաբազաներից մեկի հրամանատարի պաշտոնում։ Նա համարվում է առաջին թրքուհին, ով զբաղեցրել է ռազմաավիացիոն զորաբազայի հրամանատարի պաշտոնը[1]։
Կենսագրություն
[խմբագրել | խմբագրել կոդը]Էսրա Օզաթայը ծնվել է 1976 թվականին Գերմանիայում։ 1993 թվականին ավարտել է Քադըքյոյի աղջիկների միջնակարգ դպրոցը։ 1998 թվականին ավարտել է Թուրքիայի զինված ուժերի ռազմաավիացիոն ակադեմիան[2]։ 1998-2000 թվականներին մասնագիտացել է Ana Jet Üs տեսակի ռազմական կործանիչների ոլորտում, իսկ արդեն 2003 թվականին տեղափոխվել է «Կոնիա 3» ավիաբազա, որտեղ նշանակվել է F-5 կործանիչի հրամանատար[2]։ 2010 թվականին դասախոսություններ է կարդացել ռազմաավիացիոն ակադեմիայում, իսկ 2014 թվականին նրան շնորհվել է «Թուրքական աստղ» շքանշան՝ զբաղեցնելով թուրքական ռազմական ավիացիայի 134-րդ էսկադրիլիայի հրամանատարի պաշտոնը[3]։ 2016 թվականին նշանակվել է ավիաբազայի հրամանատար։